دل نوشته های ایلچی خلخالی ( ائلچی بئی )

خالقیمیزین باشی ساغ

(توپراغا اوز توتان هر بیر صنعتکار

بلکه ده توپراغین گولون اوزودور

وارلیغین جوهری اینامین اوزو

اینسان حیاتیندا ایشیق گوزودور)

بیزیم عایله ده آشیق بولود جاوادی آدی مقدس اولاراق آتامینآغیز دولو دانیشدیغی شیرین خاطیره لریندن بیری سایلیب هممشه ائویمیزین دوواریندااونون نار ناخیشیلی خالچا شکیلی آسیلی قالیردی؛چونکو اوستاد آشیق آتامین تویونداایشتیراک ائله ییب بیر تانینمیش اوزان کیمین او شنلیگین بزگینی اؤز دادلی دوزلوچیخیشلارینان  داها طمطراقلی ائله یهبیلمیشدیر؛و آتامین او گونلردن دانیشدیغی سوز بوکو؛من کاتدا واهابین باجیسی اوغلواولاراق تویوموز باشلانمامیشدان بولگه میزین آدلی و سانلیسی و طایفامیزین مودوروکآق ساققالی داییم امیر وئرمیشدیرکی بولگه نین تانینمیش عاشیقلاری بو تویدا ایشتیراکائله مه لیدیرلر؛چونکو تویا اینداک(دعوت)اولونانلاردا خالخال تاریم و اردبیلین آغیزلیبورونلو کیمسه لری سایلیردیرلار؛شنلیگیمیزه قاتیلان نئچه قوروپ عاشیق دسته لریاوگونون کو تانینمیش عاشیقلاردان سایلیردیلار؛هر حالدا یئدی گونلوک توی ایستاردگؤتوروب ایکینجی گونو بیر موحترم آغا کنده گلیب کاتدا واهابین عنوانینی خبرآلانداسویله دی کی من عاشیق بولودون قاوالچیسی یام ایندی ایسه عاشیق اوزباشی نین دستهسینن کندین یاخینلیغی دئییه  گیرده مئشهبولاغیندا دایانیب سیزده ایذن طلب ائله ییر کی کنده واریب توی دا ایشتیراک ائلهسین؛آتام علاوه ائله ییرکی توی باشجیسی داییم بوسوزو ائشیدن کیمین جوشقولانیب آدامیوللادی کی میانا زنگان و اردبیل خالخال بولگه لرینین آغیر مجلیس لر یاراشیقلی واوستاد عاشیق بولود جاوادی کنده بویوروب شرف اولاراق بیزیم تویوموزادا آپارا بیلر؛داهادوغروسو ائلچی بی ده بو عایله نین ایلک اوشاغی اولاراق آشیق بولود آدیلا یاشاییب بویاباشا چاتاندا حسرت چکردیم کی عومرومده بیر یولدا اولسا دده آتا عاشیق بولودو گورهبیلیم؛آنجاق بو آرزی و ایسته گیم عومرومون اللینجی اراده لرینده باش توتوب بیردونه تهران شهرینه واراندا اورک دوستوم غیبعلی سعادتی(سلیم بی)ایاق ایره لیقویماغینان بو گوروش باش توتوب هیجانلا اوستاد جاوادینی گؤرنده ایاقلارینا دوشوب نهیاخشی کی وارسینیز دئییه او مجلیس ده اولدوغوما گؤره بیر داها آذاربایجانین اوضمانعاشیقینان یاخیندان گؤروش مه گیمی اوزومه فخارت بیلیب الینی اوپمه گه نایلاولموشدوم؛بیر نئچه گوندن سونرا یاشادیغیم شهره قاییدیب آتاما دئیینده کی آشیقبولود جاوادی دیز دیزه اوتوروب گوروشه بیلمیشم؛آتام گؤز یاشلارینی ساخلامادانخیالیندا یاشایان یار یاراشیقلی عاشیق بولودو علاوه دن گؤز اونونه گتیریب بیر دونهعومور کیتابینین قیزیل صیحفه لرینی واراقلاماق آنلارینا گلدی؛و من بوگونلرینیاوستادین حاققا قوشماغین ائشیده رک اورک آغریلاریمنان بو آغیر ایتگینی ایلکن آذاربایجانخالقینا و اوزللیک له اونون یولونو داوام ائله یین شاگیردلرینه و عایله عوضولرینهباش ساغلیغی وئریب قالانلارینا اولوق تانریدان ساغ سالاماتلیق آرزیلاییرام؛

حورمتله ائلچی بی

انزلی لیمانی

4/2/1398

(عاشیق بولود)

نئچه نئچه آشیقلارین

آتاسی دیر آشیق بولود

حاققا دوغرو گئدنلرین

بوتاسی دیر آشیق بولود

سوزو باشدان آلمایانین

اؤز یئرینده قالمایانین

تمیز آدی اولمایانین

خاطاسی دیر آشیق بولود

ائلچی بی یه دایاق اولسان

گؤزو اچیق اویاق اولسان

سوز ایسته سن قیزیل آلسان

ساتاسی دیرآشیق بولود

قادینلار گونونه

دونیانی قادین سیز ائویقادین سیز

من کیشی اولسامدا گؤرهبیلمیرم

آنامین چکدیگی زحمتینجورون

مین ایل یاشاسام دا وئرهبیلمرم

قادین حاق دئمکدیر تانریدئمک دیر

اونا کعبه کیمین باشاَییمک اولار

آنا محبّتین قادین سئوگیسین

حیات دان گؤتورسون اوندانه قالار

آنا مقامیندا دایانانقادین

بیر حاق ائلچیسی دیردوزونه باخسان

ایشینده دولاشیق اولمازهئچ زامان

سنده بیر اوشاق تک سوزونهباخسان

قادینلار آنادیر قادینلارباجی

اونلار محبّتین چیلخااوزودور

یانان چیراق کیمین ائلدهاوبادا

قارانلیق گئجه ده ایشیقگؤزودور

اونلارین باخیشی دوروباخیش دیر

اگر گؤزلرینه گوله سنگولوم

قادین دیر حیاتین دادی مزهسی

قادین لا شیریندیر کیشی یهاولوم

قادین ایلاهی دن اینجهیارانیب

لونو اوخشاسان قاتیقیسیاولماز

سن ائوللادان بئزیبآخساسان آنجاق

آنالار بیلرسن هئچ واقتیورولماز

منیم حیاتیمدا نئچه قادینوار

بیری باش تاجیم دیر بیریآنامدیر

بیریسی جان قارداش سسیگلنده

او منیم باجیمدیر نسه ایمامدیر

بیریسی ائویمین یانانچیراغی

دوزونو آختارسان اویولداشیم دیر

قورویان ائوممیزی قوروقچوکیمین

بلکه ده او منیم مزارداشیم دیر

بیری گلینیم دیر اوره گیمجانیم

بیریده قیزیم دیر گئییکباخیشلی

چئوره مه باخسانیزاسایدیقلاریمنان

اولار بربزکلی اولارناخیشلی

بودور ائلچی بی یین باخیشیدوسلار

دونیانی قادین سیز گؤرن گوزویوخ

هر یئرده قادین وار اورداسئوینج وار

سئوینج اولان یئرده کدرسوزو یوخ

واریم یوخوم تالانیب قیشقیریق گوزونده گئدیر

سوزوم اونوم گولوشوم فیریق گوزونده گئدیر

سوکوکلو قالماغیما گولمه یین ناواقدی بئله

دئشیک تلیس کیمی بوغدام جیریق گوزونده گئدیر

ول ائویم سوکولور بیر دونه تیکیلمک ایچین

قییق قییق دئیشیله رکن سیریق گوزونده گئدیر

هارایلیرام کی بوگون ایتن لریم چوخالیب

سبب اودور دونن نیم قیپ قیریق گوزونده گئدیر

سوروشما گوزگولرین لی اولماغین گوندن

آخی بوگون کی باخیش پیسمیریق گوزونده گئدیر

دانیرلار ائلچی بی یین کیم لیگین اینامسیزلار

زامان زامان اودوکو ویریق گوزونده گئدیر  

عشق نهدئمکدیر

عشق اصلینده بیر عربجه سوزودور کو آرتیق و شیدتلهایسته مک آنلامیندا ایشله نیر؛ و بیز اونا تورکو دیلینده ایستک و ایسته مک دئییریککی منجه تورکو دیلینده ایستک و ایسته مک سوزو داها مکمل و احاده لی اولابیلیر؛چونکو اینسانین یاراندیغی گوندن ایسته گی ان بیرینجی پیلله ده یئر آلیر؛واینسان هر نه یی  ایلکن ایسته ییب و سونرااونو اله گتیریبدیر؛ و بیز بونو بیلیرکی تانری وارلیغی یاراتمامیشدان اونجه ایستهییب کی وارلیغی یارادیب یوخسا ایستک اولماسایدی بلکه ده یارانماق ایمکانی دا الدهاولمایاجاغیدیر؛همدانلی شاعیر قوبارین بیر شعری وار دئییر

روزیکه کلک تقدیر در پنچه ی قضا بود

عشق از میان ذرات در جستجوی ما بود

همدانلی قوبارین بو سوزوندن عشق جذبه آنلامیتاپیر؛و امما منیم یوخاریدکی وورقولادیغیم سوزو کو تانری ایلکن ایسته ییب سونرا یئریگویو یارادیبدیر اینسان دوشونجه سینده بیر دانیلماز فاکت کیمین قبول اولونور؛بلیسیز دوز ائشیدینیز عشق همان جذبه دئمکدیر؛ ایلک یارانیشدا اتوملار اویناق اولارکنبیر بیرلرینه یوخون گلیب اویقونلاشماق ایمکانی تاپاندا سونرا کائنات دا یارانماغاباشلاییبدیر؛ بیز عشق وارلیغینی اینسان اورگانیزمینده بیر گونشه بنزتسهیانلیمامیشیق اونا گوره کی گونش ایلکن بوتون یانماق قابلییتی اولان هینزیرتیلری(گاز)اوزجذبه سینن بیر یئره توپلاییب و سونرا آلیشاراق یانماغا باشلاییبدیر؛و منظومه شمسیدئییلن پیلانتلر یارانیب وگونون باشینا دولاناراق بیزیم یاشادیغیمیز یئر کوره سیدهاونلارین مین دن بیری اولاراق حیاتمیزین یارانماغیدا باش توتا بیلیبدیر؛ و بیز بوگونلریبیلیریک کی گونشین جذبه سی عرفه سینده پیلانئتلر اونون دورونه دولانیب و سالدیغیایشیقدان جانلی و حتی  جانسیزحیات عمله گلهگلیرلر؛و بونو دئمک ایسته ییرم کی عشق اینسان وارلیغیندا قویولان بیر دورولوق وصافلیق دئمک اولورکو اونون ایچ گوزگوسو کاسلانماسینا مانع اولور؛و اگراینسانین ایچدورولوغونا لکه دوشرسه عشق اکسیری ایشه دوشوب بیر کامپیوتر رباطی کیمین قارامونگلری(خال)سیل مه گه باشلاییر؛ دوزدورکو اینسان گوزینن گؤرور ایاغینانیئرییر؛آغیزدان قیدالانیب تویوش(نفس) وورور؛و هر ندن اونملیسی دوشونوب آغی قارادانسئچه بیلیر؛امما بونلارین بئیین داخیلی بیر محریک لری واردیرکی اینسان وارلیغی نیننووه(اتُم) یاناجاغی حساب اولونور؛سوزون اصلی معناسیندا دئسک عشق بوتون جانلی وجانسیزلارین ایچ  قاتیندا واردیر؛سیز تصورائله یین سیلدیریم قایا باشیندا بیر آردوج آغاجی بیتیب ایللر بویو داش چاتلاریناکوالاراق اوچورم حالیندا اولسادا یئنه ده یاشللیغینی قویورویوب هر گون گونش شوعلاریآلیتیندا اوز یاشامینا داوام ائله ییر؛عشق و جذبه وارلیغینی مجازی آنلامدا دئسکفاییزلارینین آشاغی و یوخاریسی واردیر؛و بو فاییزلار بیر گنج اوغلانین ایسته دیگی وبیر خانیم قیزا اولان سئوگی سی قدر آلینیر؛ و گاهدان داهی لر داهیسی بویوک فیضولینین باخیشیندان داها احاطه لی اولوب گوی فیرلانماسی کیمین اویناق گؤرسه نیر؛وبویوک فیضولی شعرلرینین بیرینده عشقین اعجازکارلیغیندان سوز آچارکن بئله سیرالار دوزور؛

گدای عالمی سلطان و سلطانی گدا ائیلر

شراب عشق دلبرده فیضولی اوزگه حالت وار

بورادا شاعیر عشق وارلیغینی بوتون دونیا ثروتلریآراسیندا یوکسک گوروب اونو بیر توخداییجی درمان کیمین ایجتیماعیت آراسیندابالانسلاشدیرماق رولونو اورتایا قویور؛چونکو بیز بونو بیلیریک عشق بوتونچتینلیکلری آرادان قالدیریب مم اولمایان ایشله ری هاساند ائله یه بیلیر؛ویئنهده  بو حاقدا بویوک فیضولی دئییر

نه مشکول درد اولورسا تاپیلار عالم ده درمانی

نه درد ایمیش عشقین کی درمان ائیله مک اولماز

عشق دردی کی بوتون شاعیرلر اوندان سوز آچیرلاراصلینده عشق اوزو درد دئییل بلکه عشق اوزو یاشاماغا بهانه اولان بیر وارلیقدیر کیهر کیمسه اوز سئودیگی نین خسته سی اولاراق آراییب تاپدیغی یاریندان آییری یاشاماقایسته میر؛

و شاعیر ایجتیماعیتده سوز ترجمانی اولارکن باجاریباویناق بحری له بو فیلی اورتایا قویاندا وحدت وجود آنلامی گؤز قارشیسیناگلیر؛ندنسه اینسان یارانیشین ان گؤزل و گوجلو جانیلاریندان بیری سایلیر؛

موغانینادبی موحیطی

و امما بورادا موغان ادبی موحیطی نین چاغداشصنعتکاری اولان اوره گی سوزلو شاعیریمیز اوستاد مالیک قاراخان بی لی دن سوز آچماقایسته ییرم؛سوز و دیوان صاحیبی اولان اوستاد مالیک رهنما ائل آراسی اوز یازیبیاراتدیغی اینجه شعرلرینن تانینیر؛ و بو شاعیرین قاتیندا اولان عشق پایی چاناغینین توتاری قدر دولولوغو گؤرنور؛ و ایلکن سئوگی آلاوودان قور آلارکن یانماغاباشلاییب من دئییردیم خاملیقلاری اوزونده اریده رک اورک دولوسو چیلغا قیزارمیش کؤزهچئویریلیبدیر؛اونا کؤره کی عشقین کوره سینده یانان شاعیر کول اولماقدان باشقا نهاولاربیلرمی؛اوستاد مالیکین شعرلرینین سیرالارینا قاپارکن اوزومو بیر وطن وورقونکیمین حیس ائله ییب شاعیرین خیال باغچاسینین قوناغی اولدوم؛و شعرلریندن حاللارکناوزوم دده غرور حیس لری کئچیردیم؛اونا گؤره کی بیزیم خالقیمیزین یئتیرمه سی ومدنیتیمیزین کئشگینده دوران بئله گوجلو شاعیری واردیر؛و شاعیرین شعرلری یازینسللمی کیمین روحومو اوخشایاراق یئنی باخیشلاری گؤزومون اونونه گتیردی؛و اوستادمالیکین یالواریرام آدلی قزلینین ایلک باشلانیش بیتی نی اورنک اولاراق گتیریرم

الیمده  باده‌ی  گولگون   نیگاره یالواریرام

نه ائدیم كی  عاشقم  اول گلعذاره  یالواریرام

باده گلگون بورادا جانی گوزونه آلماق آنلامیداشییر؛و نگار سوزو شاعیرین خیالیندا اولان سئوگیلیسی دئمک اولور؛سوزون اصلیمعناسیندا شاعیری بورادا اوره گینی اله آلاراق معشوق کی عشق منبعی سایلیر؛بیردیلنچی کیمین او قاپی یا اوز توتاندا تنگه اوشاقلارینین داشینا معروض قالاراق اوزواوزونه دئییر نه ائدیم کی خالق قیناغینا معروض قالماغیم تکجه منیم وورقونلوغوم نانآسیلی اولور؛شاعیر علاوه دن یئنه آدلی قزلین سون بیتینده ایضاح وئریر؛

قیرما اومیدینی (مالیك)گل او جانانه ییخیل

بیر نظر قیلسا بسیندیر سنه  مستانه  یئنه

اوستاد مالیک بو بیتی ده ایلکن سئچیب ایاققویدوغو یولون قار بورانیندان یورولسادا یئنه ده عشق مشعلی اوره گینه ایشیق سالیباوز سئوگیلیسینین قاپیسینا ییخینتی دوشمه گی ال وئریشلی گؤرور؛

اوستاد مالیک چاغداش شاعرلر آراسیندا او نادرصنعتکارلارداندیر کی وطن آنلامی اونون شعرلرینده داها موقدس سایلیر؛گرایلی وقوشمالاریندا دونه دونه وطن موضوسونا توخوناراق منسوب اولدوغو خالقینین باشینا گلنآجی لی شیرینلی اولایلاردان سوز آچیر؛یورد یئرینده آدلی قوشماسیندا بو بندی دینله یینلوطفا 

  بیرآنام  بیر وطن  اوزو  گؤزل‌دیر

دره‌سی  تپه‌سی  دوزو  گؤزل‌دیر

ایگید اوغلانلاری  قیزی  گوزل‌دیر

گؤ‌زلری گؤیچه‌گیم یورد یئرینده‌دیر

شاعیر مالیکین باخیشیندا وطن آنلامی ندن بو قدرمقدس سایلیر؛چونکو هر بیر کیمسه نین دونیایا گؤز آچدیغی موحیط اونون دونیاباخیشینی فورمایا سالیب بلکه ده دوشونجه طرزینده آغیر رول اویناییر؛اینسان اوزوطبعتین بیرجانلی پارچاسی اولاراق کوبه گی کسیلن ائوی شامان اوجاغی کیمین موقدسبیلیب وعومور بویو او اوجاغا تاپینماغی اوزونه بورج بیلر؛

بیزیم تورک مدنییتینده یورد آنلامی داهاحورمتله قارشیلانیر؛اونا گوره کی یورد سوزو قیرتلی آتالاریمیز و عیصمتلیآنالاریمیزین توپراغا تاپیشیریلان یئرلری دئمک اولور؛و اگر بئله دیرسه اوستاد مالیکاوز سئچیمینی ائله ییب یورد سوزونو شعرلرینده گتیرنده گؤزلری دولاراق اوموقدسلیگیگله جک توره لریمیزه تاپیشیریق وئررک پاییزی یامیزین اینجه سیرالارینی دوزمه لیاولور؛

و اوستاد مالیک رهنما شاعیرلیگینن علاوهآذاربایجانین میللی ساز قوپوز آلتینین وورقونو اولاراق سازین یئتمیش ایکی هاواسینادرینده بلد اولان بیر شاعیردیر؛و گاهدان سازین حزین لایلارینی اورک اوخشایان سسینییازدیغی قوشمالارا یاوانلیق ائله ییب داها داد دوزونو آرتیرماغا باشلاییر؛وگاهداندا گونش یورقونلوغو بیله سینی اوزوندن آلاندا بذ چاناغلی سازینی قوینوناآلیب گنج ایکن سئویب آییری دوشدوگو ساری تئللی قیزا موراجعیت ائله ییر؛آی ساری تئلآدلی گرایلیسیندان بیر بند دینله یین لوطفا؛

دلی  كؤنلوم   هاوالاندی

دوشدو چؤله آی ساری­تئل

تئل­لرینده  اورك   یاندی

دؤندو کوله  آی  ساری­تئل

بوگونلری یاشیل موغان بولگه سینه نظرسالانداگوجلو چاغداش شاعیرلری گؤره بیلیریک کی اوستاد مالیک قاراخان بی لی ده اونلاردانبیری سایلیر؛و او داهی لر  ایرحمتدیکباختیار علیمرادی(موغان اوغلو)سئید جلیل حسینی (سئید) فیکرت وطنداش؛ دادمانفروزنده (دوشگون) یوسف گلدسته (قوجا) سخاوت قاسیمزاده (سخا)یاقوب منصوری(مورشود)فرمانعبداله وند(بیابانی)و بشیر قهرمانی نی آد آپارماق اولار؛یوخاریدا وورقولادیغیمکیمین اوستاد قارا خان بی لی نین یارادیجی عالمینده دوغولوب بویا باشا چاتدیغیبولگه و بوتوی آذاربایجانی آنا وطن کیمین قلمه آلیر؛بو اونو گوسته ریر کی شاعیریناوز آناسینا اولدوغو سینجی (محبت) منسوب اولدوغو خالقینادا واردیر؛دوزو دونیانیگزیب هر یاد ائل اویماق گؤزللرینی گؤزدن کئچیردسه ده نوه الینی توتان واقدا یئنهده گؤزو  اوز ائله اوباسیندا وسئوگیدی آغزییاشماق لی اوتانقاج خانیم قیزدادیر؛هیجران سحری آدلی قوشماسیندان بیر بند دینلهیین لوطفا؛

سن  منیم  ازل‌کی    محبتیم سن

آتدیم اورگیمدن   سونسوز   کدری

گیر منیم  دونیاما   سن‌ده ایسته‌سن

یوم سن شوم گؤزلرین هجران سحری

هر کیمسه دونیادا اوز ایتیگینی آخداران کیمیناوستاد مالیکده عومرونون آلتمیش ایراده لرینده دوغما یوردونا قاییدیب اوراداایتیردیکلرینی یئنی دن آخدارماغا باشلاییر؛قارا خان بی لی کندینین بارلیباغچلاریندا گنج ایکن اییله دیگی قیزیل گوللرین ایپاری هله ده شاعیریاوسروک(مست)ائدرکن کئچمیشینی بیر دونه یاشماق ایسته ییر؛و نهایت سون تاپیشیریقاولاراق حسرت له دوغما ائللرینه اوز توتاراق یئتیرین ائللرآدلی بیر قو.شماسیندادئییر؛ 

دوزه‌لسه تابوتوم گوهردن دوردن

نئیلیرم  كفنیم  بیچیلسه  زردن

مالیكم جسمیمی   اؤلنده  یئردن

قاراخان‌بَی لی‌ده گؤتورون   ائللر

و سوزومون سونوندا حورمتلی اوستاد شاعیریمیزهشخصی حییاتیندا ساغ سالاماتلیق و یارادیجی عالمینده ناییلت لره آرزیلاییب و دَییرلیاوخوجولاریمیزا دئمه لی سوزوم بو کو اورگه نیب و اورگتمک پایینیز ائلدن اسکیلمهسین؛هله لیک گلن پایلاشان قدر.

حورمتلهائلچی بی

انزلیلیمانی

28/5/1398

در تاریخ صد سال گذشتهمنطقه خلخال اتفاقات افتاده است که قابل تعمق است؛یکی از آن حوادث مسئله ی قتلمحمد تقی خان امیر (ممیش خان)است که روایت های گوناگون در اذهان مردم جاریمیباشد؛ممیش خان در بین سالهای 1320خورشیدی تفنگچی هایی که در دور اطراف خود داشت ازضعف  دولت مرکزی استفاده نموده جهت برقرارکردن امنیت منطقه دست به تحرکاتی میزند در اینصورت بعداز جنگ گریزهایی با عواملحکومتی و غیره نهایتاَ به شهر خلخال(هروآباد)یورش برده آنجارا سقل فرماندهی خودقرار میدهد؛بنا دسیسه های سِری که از طرف استاندار وقت تبریز انجام میشده در اسفند1320طی درگیریهای ساختگی ایرج دارایی وارد کار زار شده به نوعی محمد تقی خان(ممیشخان) را ترور میکند؛تا جاییکه همه ما میدانیم ایرج خان دارایی جزو ملاکین طارمغربی بوده که ایشان یکی از پر نفوذترین عوامل دربار محمد رضاشاه در منطقه است وبعداز قتل ممیش خان دست به شایعاتی میزنند که گویا اسداله نامی که نوکر ممیش خان بودهمحمد تقی خان را گشته است؛و علت قتل وی را ارتباط نامشروع محمد تقی خان با زن اسدالهعنوان میکنند

قؤپوزقؤپوز هاوادیرمنده دیرچه لیر ساری تئل

ندیر بو ایتگی قوزو سس سالیر مه لیر ساری تئل؟

دئدیم کی باخماغی نین دردی وار اوزان بابانین

قؤپوزلاشیر ساریشیر باغرینی دلیر ساری تئل

او کئچمیشین سسی دیر باغرینا چوکوبدور دومان

دانیشدیراندا دؤلور؛یالواریر؛ له لیر؛ساری تئل

او کؤنلومون سسی دیر سئوگی دن سوز آچدیقجا

دانیشما سویله ییرک ناله یه گلیر ساری تئل

دئنن کی دؤن یئنی دن چالگینان او سون هاوانی

کی اوردا کؤرپه سینی نازلاییر به لیر ساری تئل

بو ائلچی بی ده اولان بیر سینیق اورک دیر اورک

کی دیندیرنده اونو گؤز یاشین الیر ساری تئل 

سیچقان یا کسکو (موش)

اوی یا سِیغیر (اؤکوز)،‌

 بارس یا قافلان

توفشقان یا توفشیجان یا توشقان (دوْوشان)

 لوْو نهنگ

 ییلان ـ ایلان

 یوْنت (آت)

قْوی (قوْیون)

بیجین (میمون)

 توغاقوی یا توخاقوی (تویوق)

ایت

 دوْنقوز.

سال ترکی :و معادل فارسی

سیچان ایلی : سال موش

اینک ایلی : سال گاو

بارس ایلی : سال پلنگ

دوشان ایلی : سال خرگوش

لوی ایلی : سال نهنگ

ایلان ایلی : سال مار

آت ایلی : سال اسب

قویون ایلی : سال گوسفند

پیچی ایلی : سال میمون

تویوق ایلی : سال مرغ

ایت ایلی : سال سگ

دونقوز ایلی : سال خوک

شنبه-یئل گونو

یکشنبه-سوت گونو

دوشنبه-دوز گونو

سه شنبه- آرا گون

چهارشنبه- اوت گونو

پنچ شنبه- سو گونو

جمعه- آینی گون

ایکینجی هفته گونلری

جمعه ارته سی –شنبه گونو

بازار گونو –یک شنبه

بازارته سی –دوشنبه

سالی گونو-سه شنبه

چهارشنبه-

جوم آخشامی-پنچ شنبه

آینی گون- جمعه